Самарқандаги хонадонларга қуёш панеллари ўрнатилади
Замонавий ускуналар энг кўп Ургут тумани ва Самарқанд шаҳридаги оилаларга ажратилади.
Бу ҳақда вилоят ҳокими Эркинжон Турдимов томонидан имзоланган қарорда назарда тутилган.
Ҳужжатга кўра, Саманқанд вилоятида 2023 йилда ёрдамга муҳтож аҳолининг уйига кичик ҳажмдаги қуёш панеллари ўрнатилади. Қайд этилишича, улар темир дафтарга киритилган оилаларнинг 2 мингта хонадонига қўйилади.
Замонавий ускуналар энг кўп Ургут тумани (260) ва Саманқанд шаҳридаги оилаларга ажратилади.
Эслатиб ўтамиз, ўтган йили Тошкент вилоятидаги эҳтиёжманд оилалар хонадонларига ҳам қуёш панеллари ўрнатилиши маълум қилинган эди. Унга кўра, Қуйи Чирчиқ, Бекобод, Бўка туманларидаги "Темир дафтар"ларга киритилган 100 нафар эҳтиёжманд оила хонадонига қуёш панеллари ўрнатилади.
