Самарқандда бир гуруҳ шахслар банкоматни ўғирлади
Унда 720 млн сўм миқдорида пул бўлган.
Самарқанд шаҳрининг Каттақўрғон туманида 25 январь куни бир гуруҳ шахслар банкоматни ўғирлаб кетишди. Ҳолат юзасидан вилоят ИИБ ахборот хизмати маълумот берди.
Олиб борилган тезкор суриштирув ишлари давомида ўғирланган банкомат аппарати Каттақўрғон туман «Таварон» маҳалласи ҳудудидаги ташландиқ жойдан бўлакларга бўлинган ҳолда топилган.
Маълум бўлишича, мазкур жиноятни 1995 йилда туғилган B.A., 1998 йилда туғилган O.Z., 1994 йилда туғилган B.N. ва 1994 йилда туғилган X.O.lar содир этган.
Ҳозирда ушбу шахслар қўлга олиниб, уларга нисбатан қамоққа олиш тарзидаги эҳтиёт чораси қўлланилган. Ҳолат юзасидан жиноят иши қўзғатилиб, тергов ҳаракатлари олиб борилмоқда.
