Туркия марказида ҳам 7,7 балли зилзила кузатилди
Зилзила кучи энг кўп пойтахт Анқарада сезилди.
Туркиянинг марказий қисмида маҳаллий вақт билан 13:24 да яна бир 7,7 балли зилзила қайд этилди. У тонгги зилзила маркази Кахраманмарашдан шимоли-шарқда 59 км масофада 2 км чуқурликда юзага келган.
Янги силкинишлар Суриянинг Дамашқ, Латакия, Идлиб, Алеппо, Хама, Раққа,ва бошқа провинцияларида ҳам сезилган.
Зилзила Туркия пойтахти Ақара ҳамда Адана ва Малата, Ван шаҳарларида энг кўп сезилди.
Зилзиладан сўнг 32 та афтершок қайд этилган, улардан энг кучлиси 6,6 балл.
Бироз аввал Туркия президенти мамлакат жануби-шарқида юз берган зилзилани 1939 йилдан буён рўй берган энг йирик фожиа деб атади. Унинг сўзларига кўра, 912 киши қурбон бўлган, 5 385 киши жабрланди. 2 800 дан ортиқ уйлар вайрон бўлди. Ҳозирда 9 мингдан ортиқ киши қидирув- қутқарув ишларига жалб этилган. Аммо президент қаерда қурбонлар сони ўсишини тахмин қилиб бўлмаслигини ҳам билдирди.
