Магнит бўрони ҳақида нималарни биламиз?
Zamon.uz мутахассис билан ушбу табиат ҳодисаси ҳақида суҳбатлашди
Магнит бўрони қуёш фаоллиги таъсирида ер магнит майдонининг кескин ўзгариши ҳисобланади. Магнит бўронлари бир вақтда Ер юзининг йирик майдонларида кузатилади ва кўпчилик буни ҳис қилади. Айниқса, юрак-қон томир, асаб соҳасининг сурункали касалликларига эга инсонлар бу жараёнларни оғир ўтказишади.
Асаб тизимига эса магнит бўрони пайтида гормонлар ишлаб чиқарилиши кучайиши таъсир қилади ва ҳолсизлик, жиззакилик, реакция сусайиши ёки кучайиши каби белгилар пайдо бўлади.
Магнит бўронлари вақти-вақти билан албатта содир бўлувчи ҳодиса бўлиб, бу жараёндан инсон ўзини ҳимоялаши учун қуйидаги тавсилар берилади.
- Асабийлашишдан тийилиш;
- Ҳазми оғир овқатлар( қовурилган, шўр,ёғли) истеъмол қилмаслик;
- Спиртли ичимликлар, чекишни чеклаш лозим;
- Оғир жисмоний меҳнатни камайтириш;
- Ақлий меҳнатда ҳам организмни зўриқтирмаслик мақсадга мувофиқ;
- Имкон қадар душ қабул қилиб туриш;
- Илиқ сув ичиш ва салқин хоналарда ўтириш керак;
- Сурункали касалликлари бор беморлар, айниқса юрак-қон томир касалликлари, жумладан инсульт ўтказганлар ёлғиз қолмасликлари, бир ўзлари автомобиль бошқармасликлари, ҳар бир дори воситасини шифокор назоратида қабул қилишлари даркор;
Юқоридаги тавсиларга амал қилган ҳолда магнит бўронларига табиатнинг бир ҳодисаси сифатида қараш ва қўрқмаслик лозим.
