Байденнинг рейтинги ошдими?
Америкаликларнинг катта қисми Оқ уйдан норози экани айтилмоқда.
АҚШ Президенти Жо Байден сиёсатини АҚШ фуқароларининг 41 фоизи маъқуллайди. Америкаликларнинг 65 фоизи эса мамлакат нотўғри йўналишда кетаётганига ишонади. Бу ҳақда ўтказилган сўровномага таяниб, «Reuters» хабар берди.
Демократларнинг соғлиқни сақлаш бўйича сиёсатини респондентларнинг 37 фоизи, аёллар ҳуқуқлари бўйича 42 фоизи, қурол назорати бўйича 34 фоизи қўллаб-қувватлаган. Сўралганларнинг қарийб ярми Демократик партиянинг иқтисод ва АҚШ ташқи сиёсатидан мамнун.
Жо Байденнинг энг паст рейтинги 2022 йилнинг май ва июнь ойларида қайд этилган. Ўшанда унинг сиёсатини америкаликларнинг 36 фоизи қўллаб-қувватлаган.
Байден 2024 йилги президентлик сайловларида иштирок этиши кутилмоқда. ОАВ тахминларига кўра, бу ҳақда яқин бир неча ҳафта ичида расман эълон қилинади.
