Афғонистонда “Толибон”га қарши қанча гуруҳ бор?
АҚШ вакили бу бўйича маълумотларни очиқлади.
Ҳозирги кунда Афғонистонда толиблар ҳукуматига қарши 22 гуруҳ бор. Бу ҳақда АҚШнинг Афғонистонни тиклаш масалалари бўйича бош инспектори Жон Сопко маълум қилди.
Унинг сўзларига кўра, ушбу гуруҳлардан ҳеч қайси бири сезиларли ҳудудларни назорат қилмаяпти. Уларнинг сафига собиқ афғон ҳарбийлари қўшилган бўлса-да, уларнинг сони катта эмас.
Шу пайтга қадар Панжшер, Бадахшон, Бағлон, Каписа, Қундуз, Нангарҳор, Нуристон, Парвон, Сари-Пул, Тохар вилоятларида Афғонистон миллий қаршилик фронти билан, Қандаҳор ва Зобулда Афғонистон озодлиги фронти, Ғазнада Ватанпарварлик фронти кучлари билан тўқнашувлар бўлган.
