Илонларга муҳаббат қўйган эркак кобра чақишидан вафот этди
У кобрани бўйнига ўраб олганди.
Ҳиндистонлик илонларни севувчи эркак кобра тутди ва унинг чақиши натижасида ўзи вафот этди. Бу ҳақда "The Mirror" нашри хабар бермоқда.
У кобрани тутиб олгач, заҳарли илонни бўйнига ўраб олган ва буни қишлоқдагиларга кўрсатган. Кейин Сантош кобранинг бошига бир неча марта уриб, ўпди. Хавфни сезган илон бирдан одамнинг бармоғини тишлаб олди.
Сантошнинг аҳволи бирданига ёмонлаша бошлади. У тиббий ёрдам олишга улгурмай, шифохонага олиб кетилаётганда вафот этган.
Отасининг айтишича, марҳум доимо заҳарли илонларга ишқибоз бўлган.
