Ўтган йили табиатга 40 миллиард сўмлик зарар етказилган
Экологик талабларга риоя этмаган 24 та корхона фаолияти вақтинча тўхтатилди.
Давлат экологик назорат тадбирлари давомида 45 300 та қонунбузилиш ҳолати аниқланган.
446 та хўжалик юритувчи субъектларда давлат экологик назорати тартибида текширишлар ўтказилди. Натижада 379 та қонунбузилиш ҳолати аниқланиб, 437,8 млн сўм жарима қўлланилган. Атроф-муҳитни ифлослантиргани учун 50,2 млрд сўм қўшимча компенсация тўловлари ҳисобланди.
Экологик талабларга риоя этмаган 24 та корхона фаолияти суд қарори билан камчиликлар бартараф этилгунга қадар вақтинча тўхтатилди.
«Экологик патруль» гуруҳлари томонидан ҳудудларда 26 117 та қонунбузилиш (шундан, 116 таси браконьерлик) ҳолати аниқланиб, 9 млрд 471 млн сўм жарима жазоси белгиланди ва 7 та ҳолат бўйича жиноий иш қўзғатилди.
