Швейцария НАТО билан ҳарбий машғулотлар ўтказади
Мамлакат 1996 йилдан буён алянснинг "Тинчлик йўлидаги ҳамкорлик" дастурида иштирок этиб келади.
Швейцария НАТО билан қўшма машғулотлар ўтказиш бўйича музокараларни бошлади ва ўз зобитларини алянс қўмондонлик тузилмасига юбориш нияти борлигини маълум қилди, дейилади мамлакат Федерал кенгаши сайтида эълон қилинган ҳужжатда.
“Ҳозирда вариантлар муҳокама қилинмоқда, масалан, Швейсария штаби ва алоқа ходимларини НАТО қўмондонлик тузилмасида жойлаштириш ёки алянснинг илғор тажриба марказларида иштирок этиш”, — дейилган.
Таъкидланишича, мамлакат 1996 йилдан бери НАТО билан “Тинчлик йўлида ҳамкорлик” дастурида иштирок этиб келади. Шу муносабат билан унинг армияси алянс билан ўзаро ҳамкорликни йўлга қўймоқда.
8 февраль куни Швейцариянинг БМТдаги доимий вакили Паскал Кристин Берисвил ташкилот Хавфсизлик кенгаши йиғилишида Украинадаги можарони ҳал қилиш учун воситачилик хизматларини таклиф қилишга тайёрлигини маълум қилди.
