Пайпоғи йиртилган қирол

 

Буюк Британия қиролининг кийиниш услуби ва ундаги айрим хатолар кузатувчилар муҳокамасига сабаб бўлмоқда.

 

Масалан қирол масжидга киришда оёқ кийимини ечганида унинг пайпоғидаги тешигини бутун дунё кўрди. Аммо айрим мода донишмандлари буни аксинча, қиролнинг олий табақага тегиши экани билан изоҳлади. Эскирган пайпоқ қироллик оилаларида худди поло дастгоҳи ва қўлқоп устидан узук тақиш каби униформага айланган.

 

Улар агар ростан ҳам юқори қатламга мансуб бўлсангиз, гардеробингиз ҳам оила дарахтингиздек қадимий бўлиши кераклигини айтади.

 

Аммо қиролнинг эски кийимлари у ўз стили ҳақида қайғурмаслигини билдирмайди. Масалан у чанғи учаётганида шарфини боғлаши, сафари учун кийимлари билан тарихда яшаган ҳар қандай машҳур инсондан олдинда туради.

 

Шунга қарамай, қироллик оиласи бир неча авлод фойдаланиши мумкин бўлган, мерос бўлиб ўтадиган кийимларни қадрлайди, Чарльз ҳам бу қоидаларга бўйсунади.

 

Қиролларга хосликни қандай деталлар намойиш қилади?

 

Эски пайпоқлар

Қирол Чарльзнинг пайпоқлари Сэвил-Роудаги костюм тикувчисидан олинади. Уларнинг ҳар бири 30 фунт стерлингдан қиммат бўлиб, ипак ва жун аралашмасидан тикилади ва қўлда ювишни талаб қилади

 

Тиртиқ ёқа

Қирол январь ойида Муқаддас Лаврентий черкорвига борганида сал эскирган ёқали Turnbull & Asser брендига тегишли кўйлакда эди. Қирол кийимнинг умумий ҳолати яхши бўлса, янгисини олиш керак эмас, деб ҳисоблайди.

 

Кенг костюм

Костюмлар борасида қирол Чарльз Anderson & Sheppard брендини афзал кўради. Бу бренд костюмлари сал кенгроқ ва енгилроқ кўриниши билан машҳур. Юқори табақа вакиллари бирор воқеага қаттиқ тайёрланганини кўрсатгиси келмайди.

 

Ямалган жакет

Қирол Чарльзнинг норасмий кийимлари ямалишдан чарчамайди. Унинг деярли бутунлай қуроқ кўрпага айланган севимли жакети ҳам бор. Айрим кийимлардаги ямоқлар шунчалик эскилигидан ялтирашни бошлаган.

 

Ғижимланган чарм оёқ кийим

Қирол Crockett & Jones компаниясининг қўлда ишланган чарм оёқ кийимларини кияди. Аммо йиллар ўтиши билан оёқ кийим ямалган, ғижимланган ва умрини узайтириш мақсадида кондиционерга бўктирилган ҳолатга келиб қолиши мумкин. Унинг марҳум отаси шаҳзода Филипп ҳам оёқ кийимларига шундай муносабатда бўлган. У тўйида кийган туфлисини 2021 йилда вафот этмагунича 70 йил давомида кийган.