Тошкентда Spark пиёдани уриб юборди
Оқибатда йўловчи оғир даражада жароҳатланган.
Кеча, 10 февраль куни Тошкент шаҳрининг Мирзо Улуғбек туманида Spark ҳайдовчиси пиёдани уриб юборди. Ҳолат юзасидан шаҳар ИИББ ахборот хизмати маълумот берди.
Қайд этилишича, соат 17:00 да 2002 йилда туғилган Ш.Ш. ўзининг бошқарувидаги Spark русумли автоуловни Мустақиллик шоҳкўчаси бўйлаб бошқариб кетаётганда йўлни бегиланмаган қисмидан кесиб ўтаётган пиёда — 1986 йилда туғилган Б.Н.ни уриб юборган.
ЙТҲ оқибатида пиёда тан жароҳати олиб, “қўшма шикастланиш, 3–бўйин умуртқаси ёпиқ синиши” жароҳатлари билан касалхонага юборилган.
Ҳозирда мазкур ҳолат юзасидан Тошкент шаҳар ИИББ ҳузуридаги Тергов бошқармаси томонидан терговга қадар текширув ўтказилмоқда.
