Америкалик аёл боласи ухламагани учун уни отиб ташлади
Бундан олдин у интернет орқали милтиқдан фойдаланишни ўрганган.
АҚШ суди 28 ёшли Жулисса Талерни олти ёшли ўғлини ўлдиришда айбдор деб топди. У болани ухлашни истамагани учун отиб ташлаган.
Тергов жараёнида маълум бўлишича, бола ухлашдан бош тортганидан кейин аёл ўзи билан қурол олиб, болани уйдан олиб чиққан. Улар машинага ўтиришган ва она боласига тўққиз марта ўқ узган. Кейинчалик боланинг жасади машина юкхонасидан топилган.
Бундан олдин аёл ов милтиғидан қандай фойдаланиш бўйича ва олти ёшли бола қанча қон йўқотиши мумкинлиги ҳақида интернетдан маълумотлар излаган.
2021 йил январь ойида Жулисса Талер психозни бошдан кечираётгани учун ўғлининг васийлигидан маҳрум қилинганди. Бироқ қотилликдан икки ҳафта олдин бола яна унга ишониб топширилган.
Энди аёлни шартли озодликдан маҳрум қилиш жазоси кутмоқда. Ҳукм 16 февраль куни эълон қилинади.
