Пайариқдаги шифохонада ходимлар жанжал чиқарди
Улардан бирига жиноят иши қўзғатилган.
Ижтимоий тармоқда Самарқанд вилоятининг Пайариқ туманида «Челак» шифохонаси ходимлари жанжаллашгани акс этган видео тарқалди. Ҳолат юзасидан вилоят ИИБ ахборот хизмати маълумот берди.
Қайд этилишича, воқеа жорий йилнинг 2 февраль куни шифохонанинг режали хирургия бўлимида ходимлар ўртасидаги ўзаро келишмовчилик сабаб келиб чиққан. Ҳолат юзасидан вилоят соғлиқни сақлаш бошқармаси ишчи гуруҳи томонидан ўрганиш ишлари олиб борилмоқда.
Жанжалда тан жароҳати етказишда гумонланаётган А.Н.га нисбатан туман ИИБ ҳузуридаги Тергов бўлими томонидан жиноят кодексининг 109-моддаси 2-қисми билан жиноят иши қўзғатилиб, ҳозирда тергов ҳаракатлари олиб борилмоқда.
