Туркияда қурилиш компанияларининг 100 дан ортиқ ходими ҳибсга олинди
Айни вақтда қулаган бинолар материалларидан намуналар тўпланмоқда.
Туркияда зилзила пайтида қулаган уйларни қурган бир қанча компанияларининг 131 нафар ходимини ҳибсга олиш учун ордер берилди.
Айни пайтда прокурорлар қулаган биноларнинг бир қисмидан намуналар йиғишни бошлади.
Туркия Адлия вазирлиги далиллар тўплайдиган, пудратчилар, меъморлар, геологлар ва муҳандислардан иборат махсус гуруҳ яратиш режалари ҳақида эълон қилган.
Туркиянинг жануби-шарқида шу ҳафта бошида содир бўлган зилзила қурбонлари 24,6 мингдан ошди.
