АҚШ генерали Россия йирик ҳужумга тайёрланаётганини айтди
Шу билан бирга Москва санкциялар ва экспорт назоратини чеклаб ўтаётганига эътибор қаратилган.
АҚШ марказий разведка бошқармасининг собиқ директори генерал Дэвид Петреус Россиянинг Донбассдаги янги ҳужумини тахмин қилди. Бу ҳақда у RedaktionsNetzwerk Deutschland (RND) медиагуруҳига берган интервьюсида маълум қилди.
“Россия Донбассда янги ҳужум бошлашга шароит яратаётганга ўхшайди. Катта эҳтимол билан бу Луганск вилоятида бўлади”, – деган у.
Шу билан бирга генерал РФ армияси сонининг катталиги ва унда турли қуроллар борлигига эътибор қаратган. Бундан ташқари, МРБнинг собиқ раҳбари Москва Ғарб санкциялари ва экспорт назоратини улкан хомашё захиралари ҳисобига айланиб ўтаётганини таъкидлаган.
Аввалроқ қатор Ғарб экспертлари ва “ақл марказлари” Россия қўшинлари Украинада навбатдаги йирик ҳужумга тайёргарлик кўраётганини маълум қилганди. Уларнинг аксарияти янги ҳужумлар Луганк вилоятида амалга оширилишини тахмин қилган.
