«Қамчиқ»да кучли ёғингарчилик бўлиши кутилмоқда

 

16–18 февраль кунлари «Қамчиқ» довонида кучли ёғингарчилик бўлиши кутилмоқда. Бу бўйича тезкор гидрометеорологик ахборот эълон қилинди.

 

«Ўзгидромет» хабарига кўра, Тошкент – Ўш автойўлининг «Қамчиқ» довонидан ўтган қисмида қор ёғиши, вақти–вақти билан кучли ёғингарчилик, туман кузатилиши мумкин.

 

Шунингдек, кўринувчанлик 50 метргача пасайиши, шамол тезлиги 15-20 метр/секундгача кучайиши, автойўлда яхмалак ва қор уюмлари юзага келиши прогноз қилиняпти.

 

14–20 февраль кунлари кутилаётган ёғингарчилик сабабли республиканинг қуйидаги тоғли ҳудудларида қор кўчиш хавфи эълон қилинади:

 

Қашқадарё вилояти: Китоб, Шаҳрисабз туманларида;

Сурхондарё вилояти: Сариосиё,  Бойсун туманларида;

Самарқанд вилояти: Самарқанд, Ургут туманларида;

Жиззах вилояти: Зомин, Бахмал туманларида;

Тошкент вилояти: Паркент, Оҳангарон, Бўстонлиқ туманларида ва Чотқол тизмасининг «Чимён» тоғларида;

Наманган вилояти: Поп туманида;

Фарғона вилояти: Сўх, Фарғона туманларида.

 

“Тоғолди ва тоғли ҳудудларда истиқомат қилувчи фуқароларни, дам олувчиларни ҳамда тоғли ҳудудларда ҳаракатланувчи ҳайдовчиларни эҳтиёткорлик чораларини кўришларини сўраймиз”, — дейилади хабарда.