Дания қироличаси: Путиннинг кўзидек совуқ кўзларни кўрмаганман
Маргрет II украиналикларнинг матонатига қойил қолганини айтди.
Деярли ярим аср давомида тахтда ўтирган Даниянинг 82 ёшли қироличаси ўнлаб давлат раҳбарлари билан учрашган. Россиянинг амалдаги президенти ҳам бундан мустасно эмас.
Владимир Путин Маргрет II билан икки марта учрашган: қироличанинг 2011 йилда РФга расмий ташрифи ва 2014 йилда. Маргрет ҳар икки сафар ҳам Россия етакчиси унда оғир таассурот қолдирганини айтди.
“Мен умрим давомида бундай совуқ кўзларни кўрмаганман”, – деган у Weekendavisen нашрига берган интервьюсида.
Қиролича Украинадаги воқеаларни диққат билан кузатиб бораётганини ва украиналикларнинг матонатига қойил қолганини таъкидлаган. Дания монархи қатор Европа давлатларининг Киевга Leopard танкларини жўнатиш қарорини олқишлаган.
