Бош прокурорга янги ўринбосар тайинланди
У тайинловга қадар Қашқадарё вилояти прокурори лавозимида ишлаган.
Ўзбекистон Республикаси Президентининг тегишли Фармонига асосан 3-даражали Давлат адлия маслаҳатчиси Салом Исматович Самадов Бош прокурорнинг ўринбосари лавозимига тайинланди.
С.Самадов тайинловга қадар Қашқадарё вилояти прокурори лавозимида ишлаган.
Салом Самадов 1963 йилда туғилган, маълумоти олий, ҳуқуқшунос. 1990 йилда Харьков юридик институтини тамомлаган.
Маълумот ўрнида, Салом Самадов прокуратура органларидаги иш фаолиятини 1990 йилда Бухоро вилояти Файзулла Хўжаев тумани прокуратурасида бошлаган, Навоий вилоятининг Хатирчи ва Кармана туманлари прокурори, Бухоро вилояти ва Қорақалпоғистон Республикаси прокурори ўринбосари, Қорақалпоғистон Республикаси ва Қашқадарё вилояти прокурори, Ўзбекистон Республикаси Президенти Давлат маслаҳатчисининг ўринбосари, биринчи ўринбосари лавозимларида фаолият юритган.
