Андижондаги меҳмонхонада ёнғин чиқди
Ҳолат бўйича вилоят ФВБ маълумот берди.
Бугун, 1 март куни Андижон вилоятининг Хонобод туманидаги муҳмонхоналарнинг бирида ёнғин содир бўлди. Ҳолат юзасидан вилоят Фавқулодда вазиятлар бошқармаси маълумот берди.
Қайд этилишича, соат 16:26 да Хонобод шаҳри “Хонтоғ” МФЙ ҳудудида жойлашган “Хонтоғ” меҳмонхонасининг иккинчи қаватида ёнғин чиққан. Оқибатда бинодаги музқаймоқ кафесининг 60 квадрат метр майдонида шифт, том қисми ва жиҳозлар ёнган.
ФВБ ходимлари воқеа жойига соат 16:32 да етиб борган ва 16:45 да ёнғин тўлиқ ўчирилган. Ёнғиндан бинонинг 50 квадрат метр майдони сақлаб қолинган. Ҳозирда ёнғин сабаби ва зарари аниқланмоқда.
