Чирчиқда ҳужжати ёнида йўқларни ИИБ ходимлари қулдек ишлатгани айтилди
Ҳолатга расмийлар изоҳ берди.
Ижтимоий тармоқда Тошкент вилоятининг Чирчиқ туманида ҳужжати ёнида йўқлар ИИБ ходимлари томонидан қулдек ишлатилаётгани ҳақида хабарлар тарқалди. Ҳолатга вилоят ИИББ ахборот хизмати раҳбари Бобур Тўлаганов расмий муносабат билдирди.
Маълум қилинишича, мазкур видеомурожаат Шахсий хавфсизлик бош бошқармаси, Тошкент вилояти бўйича бошқармаси томонидан назоратга олинган, тафсилотлар ўрганилмоқда.
“Ҳолат юзасидан хизмат текшируви тайинланиб, тўпланган ҳужжатлар қонуний қарор қабул қилишлик учун Прокуратура органларига юборилади”, — дейилади хабарда.
