Фарҳод Манноновни операция қилганлар қамоққа олиндими?
Бу бўйича Бош прокуратура маълумот берди.
Ижтимоий тармоқларда блогер Фарҳод Манноновнинг ўлими ортидан уни операция қилган шифокорлар ушлангани ва қамоққа олингани ҳақида хабарлар тарқалди. Ҳолатга Бош прокуратура матбуот котиби Ҳаёт Шамсутдинов расмий муносабат билдирди.
Қайд этилишича, 26 ёшли Фарход Маннапов (Mittivine) ўтказилган жаррохлик амалиётидан кейин вафот этганлиги ҳолати юзасидан Чилонзор тумани прокуратураси томонидан терговга қадар текширув ҳаракатлари олиб борилмоқда.
Текширув доирасида шифокорларнинг хатти-ҳаракатлари бўйича хизмат текшируви тайинланган.
“Ф.Маннаповнинг вафот этганлиги ҳолати юзасидан жиноят иши қўзғатилганлиги, иш доирасида шифокорлар ушлангани ёки қамоққа олинганлиги ҳақида тарқалаётган хабарлар асоссиз ва ҳақиқатга тўғри келмайди”, — дейилади хабарда.
