Айрим хизматлар учун воситачилик ҳақи тўловчилардан ундирилмайди
Бу бўйича Президент қарори қабул қилинди.
Бугун, 9 март куни “Аҳоли томонидан тўловларни амалга оширишда қўшимча қулайликлар яратиш тўғрисида”ги Президент қарори қабул қилинди. Бу ҳақда Адлия вазирлигининг “Ҳуқуқий ахборот” телеграм каналида хабар берилди.
Қарорга мувофиқ, 2023 йил 1 майдан бенефициари бюджет ва корпоратив буюртмачи ҳисобланган тўловлар (қуйидаги жадвалда келтирилган) бўйича тўлов хизматлари кўрсатганлик учун воситачилик ҳақи (йиғимлар) тўловчи – жисмоний шахсдан эмас, балки тўлов суммасидан чегириб қолиш йўли билан ундирилади.
2023 йил 1 майгача Тошкент шаҳрида ҳуқуқий эксперимент тариқасида виртуал касса билан қамраб олинган савдо ва хизмат кўрсатиш шохобчаларида нақд пул ечиш хизматини кўрсатиш амалиёти жорий этилади.
“HUMO” ва “UZCARD” тўлов тизимлари ўзаро интеграцияси босқичма-босқич, жумладан:
—2023 йил майгача банкоматлар;
—2023 йил якунигача тўлов терминаллари тизимини интеграция қилиш ишлари якунланади.
2023 йил 1 сентябргача Иқтисодиёт ва молия вазирлигининг ахборот тизими Марказий банкнинг “Тезкор тўловлар” тизимига интеграция қилинади.
