"Абдулла Қодирий" боғини Ортиқхўжаевга алоқадор компания реконструкция қилади
13 март куни эълон қилинган тендер баёнида реконструкция ишларини 270 кун муддатда тугатиш белгиланган.
Компания маданият ва истироҳат боғини қарийб 33 миллиард сўмга реконструкция қилади.
Абдулла Қодирий номидаги маданият ва истироҳат боғини реконструкция қилиш учун тендерни "Discover Invest" МЧЖ қўлга киритган. Компания қарийб 33 миллиард сўмга боғни реконструкция қилади.
Маълум қилинишича, Тошкент шаҳар ҳокимлиги ҳузуридаги Olmazor Business City янги тадбиркорлик марказини қуриш ва эксплуатация қилиш дирекцияси 21 февраль куни Абдулла Қодирий номидаги маданият ва истироҳат боғини реконструкция қилиш учун 34 миллиард 88 миллион сўмлик тендер эълон қилган.
Мазкур тендерни қарийб 33 миллиард сўмлик таклиф билан "Discover Invest" МЧЖ қўлга киритган.
Маълумот ўрнида: кеча, 13 март куни эълон қилинган тендер баёнида реконструкция ишларини 270 кун муддатда тугатиш белгиланган.
