“Ташаббусли бюджет” коррупцияни камайтирдими?
Мутахассис жавоб берди.
Бугун, 16 март куни АОКАда “Ташаббусли бюджет” лойиҳасининг амалга оширилиши, навбатдаги мавсум таҳлили” мавзусида матбуот анжумани бўлиб ўтди.
Унда Zamon.uz мухбири “Ташаббусли буджет” бошлангандан бери соҳада коррупцион ҳолатлар қанчалик камайгани бўйича мутахассисларга савол билан мурожаат қилди.
Иқтисодиёт ва молия вазирлиги бўлим бошлиғи Азимжон Ҳасановнинг маълум қилишича, мансабдор шахсларга фойдаланиши мумкин бўлган автомашина турларини ҳамда уларни тартибга солиш жараёни амалга оширилмоқда.
“Айтмоқчи бўлганим — секин-секинлик билан тийиб туриш принсплари амалга оширилмоқда ва бу ишга тушмоқда. Ҳокимлар қандайдир автомашина сотиб оладиган бўлса, ўша дарров ижтимоий тармоқларда гап сўз бўлиб, муҳокамаларни келтириб чиқарди. Сиз юқорида айтаётган масалалар бўйича ҳам харажатларни турли хил йўллар билан камайтирилишига эришмоқдамиз. Очиқ порталларда ҳам шу ҳақида маълумотлар очиқланмоқда. Яъни давлат бюджети харажатлари ва даромадларини тартибга келтириш ишларини эндиликда онлайн вақт ичида кўриш имконияти пайдо бўлди. Бундан ташқари, фуқаролар у билан танишиб бориш имкониятига эга бўлмоқда”, — дейди у.
