Тошкентда "Исломобод" жоме масжидининг янги биноси очилди
Мазкур уч қаватли масжид 13 минг ўринга эга.
Пойтахтимизнинг Олмазор туманида «Исломобод» жоме масжидининг янги биноси очилди. Тадбирда Ўзбекистон мусулмонлари идораси раиси, муфтий Нуриддин Холиқназров, имом-хатиблар, уламолар ва кенг жамоатчилик иштирок этди.
Сағбон кўчасидаги мазкур уч қаватли жоме масжиди ҳомийлар ва саховатпеша инсонлар кўмагида бунёд этилди.
Масжид хонақоҳида 8 минг киши, ҳовлиси ва ён-атрофидаги жойлар билан бирга 13 минг намозхонни сиғдира олади.
