Айрим истеъмол товарларига нисбатан божхона божи ноль ставкада қўлланилиши узайтирилди
Бу бўйича Президент фармони қабул қилинди.
23 март куни “Истеъмол бозорларида нархлар барқарорлигини таъминлашга доир қўшимча чора-тадбирлар тўғрисида”ги президент фармони қабул қилинди. Бу ҳақда Адлия вазирлигининг “Ҳуқуқий ахборот” телаграм каналида хабар берилди.
Фармонга кўра, 2024 йил 1 январгача Ўзбекистонга олиб киришда божхона божининг ноль ставкаси қўлланиладиган товарлар рўйхати тасдиқланди.
Жумладан:
—йогурт; пахта, ивиган сут ёки қаймоқ, қатиқ;
—пишлоқ ва твороглар;
—янги ёки қуритилган хурмо (финик), анжир, ананас, авокадо, гуава, манго ва мангостин ёки гарсиния;
—янги олма, нок ва беҳи;
—буғдой ёки жавдардан ташқари ғалла донидан ун;
—какао таркибли шоколад ва бошқа тайёр озиқ-овқат маҳсулотлари.
Эслатиб ўтамиз, Президент фармонига асосан илгари мазкур муддат 2023 йил 1 июлга қадар эди.
