Боксчи Навбаҳор Ҳамидовани ютган рақиби эркак киши бўлиб чиқди
Жазоирлик спортчи Имане Хелифнинг бокс чемпионати пайтида ўтказилган генетик текширувда эркак экани аниқланган.
Бокс бўйича аёллар ўртасида ўтказилаётган жаҳон чемпионатида ўзбекистонлик боксчи Навбаҳор Ҳамидовани ютган «боксчи аёл» аслида эркак киши бўлиб чиқди.
Жазоирлик спортчи Имане Хелифнинг бокс чемпионати пайтида ўтказилган генетик текширувда эркак киши экани аниқланган. У Бунгача ўзбекистонлик спортчини очколар бўйича ютган эди.
Натижада Хелиф дисквалификация қилинган ва Навбаҳор Ҳамидовага ҳақли равишда бронза медали тақдим этилган.
«Бу яхши хабар, адолат қарор топган. Лекин қизиқ томони, шу Хелиф ўтган йилги ЖЧда кумуш олган. Хатто олимпиадада ҳам қатнашган», – деб ёзади спорт шарҳловчиси Даврон Файзиев.
Шунингдек, шарҳловчи мутасаддиларда нега шу пайтгача генетик текширув ўтказиш фикри пайдо бўлмаганини айтиб таажжубини билдиради.
