Тошкентда ўсмирлар футбол майдони талашиб жанжаллашди
Мазкур ҳолат юзасидан Тошкент шаҳар ИИББ текширув ўтказди.
Ижтимоий тармоқларда бир нечта фуқаро ўзаро жанжаллашганлиги акс этган видео тарқалиб, турли муҳокамаларга сабаб бўлмоқда. Мазкур ҳолат юзасидан Тошкент шаҳар ИИББ текширув ўтказди.
Қайд этилишича, жорий йилнинг 26 март куни тахминан соат 22.30 ларда Янгиҳаёт тумани, Янгиҳаёт 10-ҳудуддаги мини футбол стадионида, футбол ўйнаш учун келган вояга етмаган болалар футбол майдонини талашиб ўзаро оғзаки жанжаллашган. Жанжални кўрган ота-оналар фарзандларини чақириб уйига олиб кириб кетган. Оғзаки жанжал натижасида фуқаролар тан жароҳати олмаган.
Хабарда қўшимча қилинишича, мазкур ҳолат юзасидан Янгиҳаёт тумани ИИО ФМБ томонидан текширув ўтказилмоқда. Текширув якуни бўйича қонуний қарор қабул қилиниши таъминланади.
