Open budget: Тошкент вилоятида сим карта олиш учун ўқувчилардан 10 минг сўмдан пул йиғилгани айтилмоқда

 

Ижтимоий тармоқларда тарқалган видеолар юзасидан Тошкент вилояти ҳокимлиги муносабат билдирди.

 

Хабарда Тошкент вилояти Оққўрғон тумани «Байгули» МФЙдаги 17-мактаб ўқувчилари дарсга киритилмай, сим карта сотиб олиш учун 10 минг сўмдан 20 минг сўмгача пул олиб келиш учун ўз хонадонларига жўнатилаётганига оид видеолар тегишли ташкилотлар томонидан ўрганилаётгани маълум қилинган.

 

"Бугунги кунда кенг оммалашиб, халқ овозига айланиб бораётган Open budget кампаниясини бундай талқин қилиш, болалардан фойдаланишни оқлаб бўлмайди.

Вазият вилоят ҳокимининг ўринбосари Отабек Султонбеков томонидан назоратга олинди ва ўрганиш бошланди", — дейилади хабарда.

 

Қўшича қилинишича, Тошкент вилояти ҳокимлиги яқин соатларда ҳолат бўйича батафсил ва асослантирилган ахборот беради.