Андижонда “Оналар боғи” ташкил этилмоқда
Бу ҳақда вилоят ҳокимлиги маълум қилди.
Андижон вилоятининг Қўрғонтепа туманида “Оналар боғи” ташкил этилмоқда. Бу ҳақда вилоят ҳокимлиги матбуот хизмати хабар берди.
Қайд этилишича, миллатлараро тотувлик ҳамда она меҳри ила “Яшил макон” яратишни мақсад қилган ушбу лойиҳа вилоят ҳокими бошчилигида илк бора амалга оширилмоқда.
Шуҳратбек Абдураҳмонов кеча айни ташкил этилаётган боғда бўлган. Шундан сўнг Хонобод шаҳридаги Фозилмон ота зиёратгоҳида Андижонда туризм йўналишида фаолият кўрсатаётган вакиллар ҳамда тадбиркорлар билан мулоқот ўтказган.
Жараёнда иштирокчиларни ҳудудда туризмни ривожлантиришга оид таклиф ва мулоҳазалари эшитилган. Вилоятда туризм йўналишида катта потенциал имкониятлар мавжудлиги таъкидланиб, меҳмонхоналар ва бошқа хизмат турларини ривожлантириш орқали аҳоли бандлигини таъминлаш, даромадларни ошириш муҳим жиҳатлардан эканлигига эътибор қаратилган.
