Самарқандда 19 ёшли келин ўзини осиб қўйди
Ҳодисага аёлнинг фотосурати интернетда тарқатилгани сабаб бўлгани айтилмоқда.
Ижтимоий тармоқларда Самарқанд вилоятининг Ургут туманида 19 ёшли келин шахсий фотосурати Telegram тармоғидаги беҳаё каналга чиқариб юборилгани сабабли ўзини осиб қўйгани ҳақида хабарлар тарқалди. Ҳолат юзасидан Бош прокуратура матбуот хизмати маълумот берди.
Қайд этилишича, Ургут тумани прокуратураси томонидан ўтказилган текшириш натижасига кўра жиноят иши қўзғатишни рад қилиш ҳақида қарор қабул қилинган.
Ҳозирда мазкур қарор Самарқанд вилояти прокуратураси томонидан назорат тартибида ўрганилиб бекор қилинган ва қўшимча текшириш ҳаракатларини ҳар томонлама, тўлиқ ва холисона ўтказиш хақида кўрсатма берилган.
“Қўшимча текшириш натижалари бўйича қабул қилинган қонуний қарор ҳақида кенг жамоатчиликка эълон қилинади”, — дейилади хабарда.
