Андижонда йўл четида турган Nexia ёниб кетди
Ҳолат бўйича вилоят ИИБ маълумот берди.
Ижтимоий тармоқда Андижон вилоятининг Балиқчи туманида Nexia автомобили ёниб кетгани ҳақида видеохабар тарқалди. Ҳолат юзасидан вилоят ИИБ ахборот хизмати хабар берди.
Ҳолат бугун, 9 апрель куни соат 16:10 лар атрофида Балиқчи тумани Чинобод шаҳарчаси ҳудудида содир бўлган. Фуқаро Ж.Т. Nexia автомашинасини Чинобод шаҳрида йўл четига тўхтатиб, овқатланиш шохобчасига кириб кетган вақтида транспорт воситасининг двигатель қисмидаги электр узатгичларида қисқа туташув келиб чиққан. Оқибатда автомобилнинг олди қисмида ёнғин юз берган.
Ёнғин ФВБ ходимлари томонидан бартараф этилган, ёнғин оқибатида тан жароҳати олган фуқаролар йўқ.
Ҳозирда Балиқчи тумани ФВБ томонидан суриштирув ишлари олиб борилмоқда.
