Коронавирус пандемияси тугади—ЖССТ
Ҳозиргача вирусдан салкам 7 млн одам ҳалок бўлган.
Жаҳон соғлиқни сақлаш ташкилоти раҳбари Тедрос Гебрейесус дунёда CОVID-19 пандемияси бекор қилингани ҳақида хабар берди.
Эслатиб ўтамиз, ЖССТ томонидан 2020 йил 30 январда коронавирус инфекцияси тарқалиши муносабати билан дастлаб фавқулодда ҳолат, ўша йил 11 март санасида эса пандемия эълон қилинганди.
“2020 йилдан буён расман 7 миллионга яқин киши CОVID-19 оқибатида ҳаётдан кўз юмди. Аммо реал рақамлар бундан анча юқори. Биз камида 20 миллион ўлим ҳолатини назарда тутяпмиз”, — дейди Т. Гебрейесус.
