«Ўзгидромет» раҳбари ўзи ва ходимларига 46 миллион сўм мукофот пули ёздирди
Ҳолат юзасидан Табиат ресурслари вазирлиги томонидан хизмат текшируви тайинланди.
Ижтимоий тармоқларда “Ўзгидромет” директори Шерзод Ҳабибуллаев ўзини ва агентлик ходимларини 46 миллион сўм миқдорида мукофот пули билан тақдирлагани ҳақида маълумот тарқалди. Бунга Табиат ресурслари вазирлиги ахборот хизмати изоҳ берди.
Маълум қилинишича, ҳозирда Табиат ресурслари вазирлиги томонидан ҳолат юзасидан хизмат текшируви тайинланди ва тегишли тартибда ўрганиш ишлари олиб борилмоқда.
Шунингдек, хабарда текширув натижаси бўйича вазирлик томонидан қонунга мувофиқ тегишли чоралар кўрилиши қўшимча қилинган.
