Манхэттенда теракт уюштирган Сайфулло Соипов 260 йилга қамалди

 

АҚШ Адлия вазирлигига кўра, 2017 йилда Нью-Йорк марказида теракт уюштирган ўзбекистонлик 34 ёшли Сайфулло Соипов саккиз умрлик ва 260 йиллик қамоқ жазосига ҳукм қилинган.

 

Соипов саккиз умрлик қамоқ жазосини бегуноҳ одамларнинг саккизта танланган ҳаёти учун олди. 260 йил қамоқ жазоси Соиповнинг 18 та қотилликка уриниш, жумладан, тўрт нафар болани ҳам ўлдиришга уриниш учун энг кўп жазо ҳисобланади.

 

Сайфулло Соипов 28 та банд бўйича айбдор деб топилди. Нью-Йорк судида у қотиллик ва террорчилик айбловларини тан олмади. Прокуратура унга ўлим жазосини беришни талаб қилган, бироқ ҳакамлар ҳайъати ўлим ҳукмини ижро этиш бўйича келиша олмаган.

 

«Соипов ўз мақсади имкон қадар кўпроқ одам ўлдириш бўлганини, қилган ишидан мамнунлигини айтди. У жилмайиб, шифохона хонасида ИШИД байроғини осиб қўйишларини сўраган. Террорчи ҳужумни амалга ошириш учун 1 йил вақт сарфлаганини ва буни режалаштириш учун икки ой вақт кетганини тан олди», – дейилади баёнотда.

 

Маълумот ўрнида, теракт 2017 йил 31 октябрь куни соат 15:15 атрофида Қуйи Манхеттэндаги One World Trade Center осмонўпар биноси ёнида содир бўлган эди. Айбланувчи автомобилда велосипед йўлидаги одамлар томонга қараб ҳаракатланган. Шундан сўнг у автомобил билан мактаб автобусига бориб урилган, кейин эса одамларга қарата ўқ узган.

 

Ҳужум оқибатида 8 киши ҳалок бўлиб 15 киши яраланган эди.