Шавкат Мирзиёев Чўлпонота шаҳрига етиб борди
Давлат раҳбарини аеропортда Қирғизистон расмийлари кутиб олган.
Шавкат Мирзиёев «Марказий Осиё – Европа Иттифоқи» иккинчи саммитида иштирок этиш учун амалий ташриф билан Қирғизистоннинг Чўлпонота шаҳрига етиб борди. Бу ҳақда Президент матбуот хизмати хабар берди.
Аэропортда давлат раҳбарини Қирғизистон Республикаси Вазирлар Маҳкамаси Раиси — Президент Администрацияси раҳбари Ақилбек Жапаров ва бошқа расмий шахслар кутиб олди.
Маълум қилинишича, бугун Чўлпонотада иккинчи «Марказий Осиё – Европа Иттифоқи» саммити бўлиб ўтади. Унинг кун тартибидан минтақа мамлакатларининг Евроиттифоқ билан конструктив мулоқотини янада ривожлантириш ва амалий ҳамкорлигини кенгайтириш масалалари ўрин олган.
