G20 виртуал саммити 22 ноябрга белгиланди
Унга Ҳиндистон раислик қилади.
Ноябрь ойида Ҳиндистон раислигида G20 етакчиларининг виртуал саммити бўлиб ўтади.
“Катта йигирматалик етакчиларининг виртуал саммити 22 ноябрга режалаштирилган”, — дейилади G20 ташкилий қўмитаси хабарида.
Ҳиндистон 2022 йил 1 декабрдан бошлаб G20 га раислик қилмоқда. Сентябрь ойида Нью-Деҳлида гуруҳ етакчиларининг саммити бўлиб ўтди, шундан сўнг Ҳиндистон бош вазири Нарендра Моди G20 виртуал сессиясини ўтказишни таклиф қилди. Онлайн ўтадиган учрашувда Нью-Деҳлида кўтарилган масалаларни кўриб чиқиш режалаштирилган.
G20 саммитида Нарендра Модининг столида “Ҳиндистон“ эмас, “Бҳарат” деб ёзилган тахтача пайдо бўлади. Бу ҳинд тилидаги мамлакатнинг қадимий номи.
