Пойтахтнинг 2024 йилги маҳаллий бюджети тасдиқланди
Шаҳарда лифтларни таъмирлаш ва янгилашга 143 млрд сўм ажратилмоқда.
Тошкент шаҳрининг 2024 йилги маҳаллий бюджети тасдиқланди. Шаҳарнинг 8 трлн сўмлик харажатларининг қарийб 2 трлн сўми иссиқлик таъминотининг пасайтирилган тарифларидан кўрилган зарарни қоплашга йўналтирилади.
Жамоат транспортининг брутто шартномаси асосида кўрсатилган хизматлари учун 1 трлн сўм ажратилмоқда. Ташқи қарзи бўйича қарийб 233 млрд сўм, 235 млрд сўм Тикланиш ва тараққиёт жамғармасининг кредитларини қайтаришга, 13 млрд сўм чет эл кредитларини қайтариш учун йўналтирилади.
Кўп қаватли уйларда лифтларни таъмирлаш ва янгилашга 143 млрд сўм ажратилади.
