Ашхободда сел омбори қурилди
Уни ҳосил қилиш учун 2 кунлик ёмғир суви йиғиб олинган.
Туркманистон пойтахти Ашхабод шаҳри 2020 йиллардан олдин кучли ёмғирлар ёғиши натижасида шаҳар атрофидан йиғилган сел оқимларидан бир неча бор зарар кўрган эди.
Натижада, улар шаҳарга сел хавфларини камайтириш учун шаҳар атрофида бир неча сел ирмоқларини бирлаштирувчи сел омборини қуришди. 2022 йил сел омбор гидротехник иншооти тўлиқ битди. Кеча ана ўша сел омбор шаҳар учун кучли ёмғирдан сўнг атрофда шаклланган сел сувларини биринчи марта ўзида "ушлаб қолиб", шаҳарни сел оқизиқларидан асради.
Энди Ашхобод шаҳри бу сувни тиндириб, фильтрдан ўтказиб, шаҳар эҳтиёжи учун ишлатади.
