Хоразмда 417 млн сўмлик газ ўғирланди
Ҳозирда ҳолат юзасидан жиноий иш очилган.
Қўшкўпир туманида ўтказилган терговга қадар текширувда “B.S.” фермер хўжалиги раҳбари ва бошқалар ўзаро тил бириктириб, тижорат мақсадида моторли сув насоси ускунасини табиий газ тармоғига тўғридан-тўғри улаб, 417 млн сўмлик табиий газдан ноқонуний фойдаланганликлари аниқланган.
Шунингдек, Учкўприк туманида ўтказилган терговга қадар текширувда МЧЖ раҳбари О.Ю. МЧЖ ишлаб чиқариш цехидаги ускуналарни умумий фойдаланишдаги газ тармоғига яширинча улаб, 286,2 млн сўмлик табиий газдан ноқонуний фойдаланганлиги аниқланган.
Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.
