Самарқандда 1 млрд сўмлик электр ўғирланди
Ҳозирда ҳолат юзасидан жиноий иш очилган.
Самарқанд вилояти Булунғур туманидаги битта МЧЖ 1 млрд 109 млн сўмлик электр энергиясини ўғирлагани аниқланди.
Ўтказилган назорат тадбирида Булунғур туманидаги МЧЖ мансабдор шахслари жамиятга қарашли ғишт ишлаб чиқариш заводидаги ҳисобга олиш ускунасига ток трансформатори коэффитсентини ўзгартириш йўли билан ташқари таъсир кўрсатиб, 1 млрд 109 млн сўмлик 1 млн 286 минг квт/соат электр энергиясини ўғирлаган.
Мазкур ҳолат юзасидан МЧЖ мансабдор шахсларига нисбатан ЖКнинг 169-моддаси, 4-қисми «а» банди билан жиноят иши қўзғатилиб, гумонланувчи шахс процессуал тартибда ушланган.
