Самарқандда ходимларини сўккан ҳоким жазоланди
У ўринбосарини ноинсоф деб ҳақоратлаган.
Ижтимоий тармоқда Самарқанд вилоятининг Қўшработ тумани ҳокими Дилшод Шакарбоевнинг қурилиш бўйича ўринбосари ва ходимларини ҳақорат қилгани эшитилган аудио тарқалганди. Вилоят ҳокимлиги ахборот хизмати ҳолат юзасидан муносабат билдирди.
Қайд этилишича, вилоят ҳокимининг тегишли фармойиши билан унга нисбатан ҳайфсан интизомий жазо чораси қўлланилган.
Туман ҳокими аввалига қурилиш ишлари бўйича ўринбосарини ҳақоратлаб, қурувчи тополмаётганини айтади. Шунингдек, ўринбосарини ноинсоф деб, тилга олиб бўлмас сўзлар билан ҳақоратлайди.
