Самарқандда табиатга 1,1 млрд сўм зарар етказилди
Маълум бўлишича, Қизил китобга киритилган 2,6 минг туп ўсимлик пайҳон қилинган.
Самарқанд вилояти Ургут туманида жойлашган “Омонқўтон” миллий табиат боғига бир неча номаълум шахс болалар дам олиш оромгоҳи орқали ноқонуний тарзда кириб, махсус техникалар ёрдамида қазиш ишларини амалга оширган.
Улар миллий табиат боғига тегишли бўлган майдонда Тахтиқорача довони билан боғловчи йўл ҳосил қилганлиги маълум бўлди. Бунинг оқибатида йўлда мавжуд бўлган жами 64 туп дарахт ва буталар ҳамда Қизил китобга киритилган 12 турдаги 2,6 минг туп ўсимликлар пайҳон қилиниб, табиатга 1 млрд 115 млн сўм зарар етказилган.
Иш юзасидан тўпланган ҳужжатлар тегишли чора кўриш мақсадида Бош прокуратурага юборилган.
