Уч кишининг ўлимига сабабчи бўлган ҳайдовчи қамалди
Шунингдек, у автотранспорт бошқариш ҳуқуқидан маҳрум қилинган.
Аввалроқ Самарқандда Дамас ва Cobalt тўқнашиши оқибатида уч киши вафот этгани ва ҳолат юзасидан жиноят иши қўзғатилгани ҳақида хабар берилганди.
Маълум қилинишича, мазкур ҳолат жорий йилнинг 29 июль куни соат 12:30 атрофида Самарқанд вилояти Ургут тумани "Хўжагузар" МФЙ ҳудудидан ўтувчи "Ургут-Ғўс-Авазмерган" автомобиль йўлининг 5-километрида содир бўлган.
Унда 2003 йилда туғилган Cobalt ҳайдовчиси руль бошқарувини йўқотган ва йўлнинг қарама-қарши йўналишида ҳаракатланиб келаётган Damas билан тўқнашган.
Мазкур ҳолат юзасидан жиноят иши ЖИБ Ургут тумани судида кўриб чиқилди.
Суд ҳукмига кўра, судланувчи ЖКнинг 266-модда 3-қисми "а" бандида назарда тутилган жиноятни содир этганликда айбдор деб топилиб, 3 йил муддатга автотранспорт воситаларини бошқариш ҳуқуқидан маҳрум этилиб, унга нисбатан 9 йил 6 ой муддатга озодликдан маҳрум қилиш жазоси тайинланди.
