Полша — Венгрия муносабатлари ёмонлашмоқда
Ҳозирда Венгрия элчихонасига нота юборилган.
"Полша Европа Иттифоқига раислигининг очилиш маросимида Венгрия элчиси Иштван Ийдярто иштирок этишини номақбул деб топди", дея хабар беради Onet нашри.
Полша Ташқи ишлар вазири Радослав Сикорский Венгрия элчихонасига нота юборган, унда Иштван Ийдяртонинг маросимда иштироки “мўлжалланмагани” таъкидланган.
Қайд этилишича, ушбу қарор Венгриянинг Полша собиқ адлия вазири ўринбосари Марцин Романовскийга бошпана бергани сабабли қабул қилинган. Романовский Полшада коррупция бўйича жиноий ишда айбланмоқда.
