Японияда қамоқ қашшоқликдан қутулиш йўлига айланди
Кекса ва ёлғиз аёллар қамоқхонага тушишга уринмоқда.
Иқтисодий ҳамкорлик ва тараққиёт ташкилоти маълумотларига кўра, Японияда 65 ёшдан ошганларнинг 20 фоизи қашшоқлик чегарасидан пастда яшайди.
Ёлғиз аёллар учун қамоқдаги қарилик озодликда очликда яшашдан кўра жозибали истиқболга айланмоқда. Маҳбуслар озиқ-овқат, шифокорлардан бепул тиббий ёрдам олишади, мунтазам равишда бир-бирлари билан мулоқот қилишади ва лекин ташқарида уларнинг дўстлари ва қариндошлари йўқ. Жазо муддатини ўтаб бўлган аёллар озодликка чиққач, қамоқхонага қайтиш учун яна жиноят содир этишмоқда.
Точиги аёллар колонияси ходимлари ўзларининг қамоқхонаси кўпроқ қариялар уйига ўхшашлигини тан олишади. Улар нафақахўрларни боқишлари, тиббий ёрдам кўрсатишлари, ювинишлари ва тагликларини алмаштиришларида ёрдам беришлари керак.
“Ҳатто бу ерда абадий яшаш учун ойига 130-190 доллар тўлашга тайёр эканликларини айтадиган одамлар ҳам бор”, дейди Точиги қамоқхонаси ходими Такаёши Ширанага.
Маҳбуслар қамоқхонада озодликдаги аҳволига қараганда анча яхши эканликларини тан олишади, чунки у ерда ҳеч ким уларга ёрдам бермайди. Пул етишмаслиги туфайли улар очликдан ва совуқда яшашга мажбур бўлишади. Қамоқхона ходимлари ва маҳаллий ҳокимият органлари муаммони ёлғиз нафақахўрларга молиявий ёрдам кўрсатиш ва уй-жой учун субсидиялар бериш орқали ҳал қилиш мумкин деб ҳисоблашади.
