Нукусда тарбиячилар болаларни калтаклади
Ҳозирда ҳолат юзасидан тергов бошланган.
Ижтимоий тармоқларда Қорақалпоғистон Республикаси Нукус шаҳридаги хусусий боғчада тарбиячи болаларга қўпол муносабатда бўлгани акс этган видеолар тарқалмоқда.
Аниқланишича, видеолавҳада акс этган ҳолат Нукус шаҳрида жойлашган хусусий мактабгача таълим ташкилоти тарбиячиси Р.Ш. ва ёрдамчи тарбиячи Д.С.лар томонидан содир этилган.
Мазкур ҳолат юзасидан Нукус шаҳар прокуратураси томонидан терговга қадар текширув ҳаракатлари олиб борилмоқда.
Натижасига кўра, қонуний қарор қабул қилиниши Қорақалпоғистон Республикаси прокуратураси томонидан назоратга олинган.
