Парижда Иккинчи жаҳон урушидан қолган бомба топилди
Натижада Эуростар ва маҳаллий поезд қатновлари тўхтатилган.
Жума куни Парижнинг Гаре ду Норд вокзали яқинида Иккинчи жаҳон уруши давридан қолган портламаган бомба аниқланган. Бу ҳодиса туфайли Эуростар ва маҳаллий тезюрар поездларнинг қатнови тўхтатилган.
Франциянинг миллий темир йўл оператори СНСФ баёнотига кўра, хавфсизлик нуқтайи назаридан поездлар ҳаракати полиция талабига биноан вақтинча бекор қилинган.
"Йўловчиларга саёҳатларини кейинга қолдириш тавсия этилади," — дейилади СНСФ баёнотида.
Эуростар ўз расмий веб-сайтида хизматларда узилишлар юзага келганини маълум қилиб, йўловчиларга саёҳатларини бошқа санага кўчиришни маслаҳат берди. Ушбу ҳолат туфайли Лондон Сент-Панкрас ва Париж Гаре ду Норд йўналишидаги жами 10 та поезд қатнови бекор қилинди.
Маҳаллий оммавий ахборот воситаларининг маълум қилишича, бомба Париж чеккасидаги Сен-Дени ҳудудида, темир йўл излари орасида олиб борилган тунги ишлар давомида топилган. Ҳозирда мутахассислар портловчи модданинг хавфсиз утилизациясини амалга оширмоқда.
