Андижондаги уйларнинг бирида ёнғин юз берди
Ёнғинда тан-жароҳати олган ва ҳалок бўлганлар йўқ.
Бугун, 24 март куни соат 10:30 да Андижон шаҳар Мустақиллик МФЙ, Э.Ашуров кўчасида жойлашган уйларнинг бирида ёнғин содир бўлаётганлиги тўғрисида ФВБга хабар тушган.
Шунга кўра, 2 та ёнғин-қутқарув экипажи соат 10:34 да ҳодиса жойига етиб бориб, ёнғин соат 10:37 да ўраб олинган ва соат 10:45 да ўчирилган.
Ёнғин натижасида уйнинг 30 квадрат метр майдонда том қисми ёниб зарарланган. Ёнғин-қутқарувчиларнинг тезкор ҳаракатлари туфайли уйнинг 100 квадрат метр майдони ёнғиндан сақлаб қолиниб, бошқа туташ уйларга тарқалиши олди олинди.
Ёнғиндан тан-жароҳати олган ва ҳалок бўлганлар йўқ. Ҳозирда ёнғиннинг келиб чиқиш сабаби ва моддий зарар миқдори аниқланмоқда.
