"Леапмотор" автомобилларини Ўзбекистонда сотишга рухсат берилди
Бренднинг тўхтатилишига С16 моделида техник камчилик сабаб бўлган эди.
Аввалроқ Хитойнинг "Леапмотор" бренди остидаги енгил автомобилларни Ўзбекистонда сертификатлаш учун аризалар қабул қилиш вақтинча тўхтатилганди. Бунга ушбу брендга мансуб С16 моделида аниқланган техник камчилик сабаб бўлган эди.
Шу орада олиб борилган текширувлар, музокаралар ва техник ўрганишлар натижасида ҳукумат томонидан ижобий қарор қабул қилинди. Эндиликда "Леапмотор" автомобиллари Ўзбекистон бозорида ҳеч қандай чекловларсиз сотилиши мумкин.
Мазкур қарор «Леапмотор» автомобилларини сотиш билан шуғулланаётган дилерлар ва харидорлар учун муҳим янгилик бўлиб, бозорда ушбу электромобилларнинг яна кенг тарқалишига йўл очади.
